Lajme nga bota e futbollit

Zyrtare; Lippi serish trajner i Italise

Italia kampione bote rigjen trajnerin qe e coi e majen e futbollit boteror. Marcello Lippi eshte zyrtarisht trajner i te kalterve qe prej dites se djeshme. Pas nje takimi qe shefi i federates Abete, zhvilloi dje me ish teknikun Donadoni, erdhi edhe shkarkimi i ketij te fundit per shkak te rezultateve te dobeta te Italise ne Euro 2008. Rinovimi i kontrates mes paleve ishte parashikuar vetem ne rast se skuadra do kualifikohej ne gjysmefinale. Keshtu, pas 2 vitesh bashkejetese, Donadoni dhe Abete kane gjetur gjuhen e perbashket per te prishur bashkepunimin pa shume zhurme. Riemerimi i Lippi-t ne krye te stolit te kalter parashikon nje stuhi te vertete ne radhet e Italise ku shume prej lojtareve titullare zhgenjyen ne Euro 2008. “Jam shume i lumtur dhe i motivuar”. Kjo ka qene fjalia e pare e trajnerit Marcello Lippi pas emerimit. Ai eshte nje nga trajneret me CV-ne me te pasur ne Itali. 1 Kupe Bote, 5 kampionate, 1 Champions League, 1 Kupe Interkontinetale, 1 Superkupe Europiane, 1 Superkupe Italie dhe 4 kupa Italie

Pendohet Ronaldo, prapa kthehu?
29 Qershor Sipas shtypit britanik, ylli portugez ka vendosur të qëndrojë te Mançesteri, duke refuzuar Realin

Rroga që madrilenët i kanë ofruar, nuk e ka kënaqur yllin portugez, i cili i ka thënë jo Realit nëpërmjet menaxherit të tij



Duket se e ardhmja e Kristiano Ronaldos nuk ka të përfunduar. Kur dukej se portugezi ishte shumë afër arritjes së një marrëveshje me Realin e Madridit, është sjhfaqur barriera e madhe. Sipas saj që bënte të ditur dje e përditshmja angleze “Daily Express”, Ronaldo ka ndryshuar mendje në zgjedhjen e tij dhe me shumë mundësi do të qëndrojë te Mançester Junaitedit. Shumë e çuditshme, por duket se gazetarët anglez kanë zbuluar zgjedhjen e portugezit nëpërmjet miqve dhe shokëve të tij. Një sjellje kjo e Ronaldos, e cila të lë shumë për të dyshuar, megjithatë ende mbetet një mister e ardhmja e tij. Për momentin, ylli portugez ndodhet me pushime në Sardenjë, i shoqruar nga e dashura e tij seksi, Nereida Gajardo, kjo e fundit me origjinë spanjolle dhe e rritur në Majorka.

Fajin e ka Raul ? Në një kohë që drejtuesit e Mançester Junaitedit vazhdojnë të përsërisin se Kristiano Ronaldo nuk është në shitje, ndërsa kapiteni Rio Ferdinand deklaron: “Duam që Kristiano të qëndrojë me ne, sepse me të mund të bëhemi skuadra më e fortë e të gjitha kohërave”. Dje, në shtypin spanjoll, bëhej e ditur se Reali i ofron Ronaldos një rrogë prej 9 milionë eurosh neto në sezon, pothuajse 2 milionë më pak se sa përfiton aktualisht te skuadra e Mançesterit. Dhe faji është i gjithi i kapitenit Raul Gonzalez, io cili në kontratën e tij ka një klauzolë që askush në skuadrën e Realit të Madridit nuk mund të marrë një rrogë më të lartë se ai. As Kristiano Ronaldo, për momentin futbollisti më i mirë në botë, nuk e ka këtë shans. Ylli portugez mund të kënaqet me të njëjtën shumë parash që përfiton Raul, Fabio Kanavaro dhe Iker Kasijas. Megjithatë, në Spanjë bëjnë të ditur se rroga nuk do të jetë asnjë shqetësim për portugezin, pasi ato që mund të humbasë në rrogën e tij, do t’i përfitojë pothuajse dyfish në të drejtat e imazhit.

Sipas shtypit britanik, Kristiano Ronaldo duket se ka hedhur poshtë këtë ofertë të Realit të Madridit, nëpërmjet menaxherit të tij, i cili në një telefonatë që ka patur me presidentit Ramon Kalderon, i ka shprehur atij dëshirën e yllit portugez për të qëndruar në “Old Trafford”. Por, duke parë situatat të cilat po ndryshojnë nga dita në ditë, kurrë mos thuaj kurrë. Merkato europiane mbyllet më 31 gusht dhe deri atëherë sigurisht që mund të kemi shumë surpriza.

Kalderon: Me Mançesterin jemi miq!

Presidenti i Realit të Madridit, Ramon Kalderon, vazhdon të evitojë polemikat me klubin e Mançesterit në lidhje me çështjen e Kristiano Ronaldos. “Me Mançesterin jemi miq. Reali nuk mund të bëjë asgjë nëse nuk duan ta shesin futbollistin e tyre. Por, nëse vetë Ronaldo dëshhiron të veshë fanellën e Realit dhe nëse Mançesteri kërkon të hyjë në bisedime, atëherë ne jemi gati. Por, nuk duam që ë krijohen konflikte, sepse ne jemi dy klube serioze dhe nuk duam të krijojmë armiq. Duhet të sillemi sipas rregullave dhe të mbajmë marrëdhëniet e mira që kemi”.



Kristiano?Ferguson, takim për lamtumirën

Sipas shtypit spanjoll, portugezi do të takohet këto ditë me teknikun skocez për t’i bërë të ditur largimin e tij



Shtypi spanjoll po thotë të kundërtën e asaj që shpjegojnë dhe analizojnë gazetat angleze. E përditshmja spanjolle “AS”, ka bërë të ditur se Kristiano Ronaldo do të takohet këto ditë me trajnerin e tin, Aleks Fergusonin, për t’i bërë të ditur largimin e tij nga Mançester Junaitedi. Sipas shtypit spanjoll, ylli portugez ka vendosur t’ia thotë personalisht arritjen e kësaj marrëveshjeje me Realin e Madridit. Po sipas kësaj gazete, data 7 korrik shihet si data që të Reali dhe Ronaldo do të deklarojnë arritjen e një marrëveshjeje. Kristiano Ronaldo do të kthehet të martën në Mançester dhe atje do të takohet me teknikun skocez. Aktualisht Ronaldo është me pushime me të dashurën e tij në Sardenja dhe pasi t’i ketë shijuar deri në fund këto ditë relaksi, do të bëjë të ditur edhe të ardhmen e tij. Tensioni po rritet, sepse misteri që ka zgjatur kaq shumë është shumë afër zbulimit. Tashmë fjala i takon Kristiano Ronaldos.

Europiani i milionave!
28 Qershor Sipas studimit të një Universiteti anglez, turneu gjeneroi 300 milionë euro



Një studim mbi efektet financiare të Euro 2008 nxorri përfundimin se imaptki ekonomik i finales së të dielës mund të jetë prej 300 milionë eurosh, me Gjermaninë dhe Spanjën që do të përfitojnë në maksimum nga prezenca në aktin e fundit të turneut kontinental. Raporti vlerëson se vendi skuadra kombëtare e të cilit që do jetë kampionia e Europës do të përfitojë më shumë se 90 milionë euro. Në këto të ardhura përfshihen marrëveshjet e sponsorizimit, të drejtat televizive, rritja e biletave dhe shitjeve të produkteve kombëtare, turizmi dhe “një rritje e ndjeshme besimi tek klientët”. Autorët e studimit, Universiteti Koventri në Angli, u shprehën se vendi që do të humbasë finalen mund të presë një rritje ekonomike prej 40 milionë eurosh, pa përfshirë bonuset në para, si rezultat i kalimit në finale. Spanja pritet të fitojë deri në 23 milionë euro në total nëse mund Gjermaninë në finalen e Vienës, ndërsa fitorja do t’i jepte Gjermanisë 22 milionë euro. Vendi i dytë do të garantonte 20 milionë euro për Spanjën dhe 19 milionë për Gjermaninë. Ndryshimi i fitimeve për të njëjtin rezultat vjen nga sistemi i bonusit për paraqitjen që në fillim të turneut, i vendosur nga UEFA. Kështu Gjermania humbi një nga ndeshjet në grup, ndaj Kroacisë, ndërsa Spanja u kualifikua për në çerekfinale me tre fitore, pra me të gjitha fitore deri tani. Bashkë me 172 milionë eurot që pritet të fitojnë finalistet dhe vendet e tyre, studimi i komisionuar nga sponsori kryesor i Euro 2008, “MasterCard” vlerësoi se Viena do të ketë një përfitim afatgjatë prej më shumë se 100 milionë eurosh thjesht sepse po pret finalen. Raporti vlerësoi se impakti total i finales së nesërme, për dy vendet finaliste, si dhe për vendet organizatore, Austrinë dhe Zvicrën, është plot 300 milionë euro.